Heiðarbær , Selfoss


TegundSumarhús Stærð83.10 m2 4Herbergi 1Baðherbergi Sérinngangur

Eignatorg kynnir með stolti: ÞINGVELLIR – Eign í sérflokki á góðu verði –
Tignarlegt, sérlega fallegt og vel skipulagt sumarhús á einni hæð með margbrotnu útsýni yfir Þingvallavatn og víðar.
Húsið, sem heitir Móakot, var endurbyggt árið 2008 og er mjög skemmtilega skipulagt og með eindæmum notalegt. Móakot stendur á einstaklega kyrrlátum stað við Þingvallavatn í u.þ.b. 30 mínútna akstursfjarlægð frá Reykjavík.
Framhjá húsinu rennur Móakotsá með sinn mikla karakter og fallega óm.

Nánari lýsing: Forstofa með flísum á gólfi og stórum forstofuskápum. Rúmgott baðherbergi með flísum á gólfi, sturtuklefa, innréttingu og glugga. Björt og rúmgóð stofa með parketi á gólfi, stórum útsýnisgluggum til austurs og tvöfaldri hurð út á veglegan sólpall með gullfallegu útsýni. Opið eldhús með parketi á gólfi og fallegri innréttingu. Rúmgott hjónaherbergi með parketi á gólfi og skáp og tveimur gluggum. Tvö barnaherbergi með parketi á gólfi og skápum.
Allt parket á gólfum er fallegt planka harðparket.
Skv. skráningu Þjóðskrár er húsið 83,1 fm. Að auki eru tvær kaldar geymslur undir húsinu og eru þær ekki inni í uppgefinni fermetratölu.

Leiðarlýsing: Þegar ekið er frá Reykjavík um Þingvallaveg nr. 36, þá er beygt til hægri inn á fyrsta vegslóða eftir að ekið er fram hjá Grafningsvegi nr. 360.
 
Erfitt er að koma í orð hversu mögnuð upplifun það er að vera í og við Móakot.

- Töfrandi eign á góðu verði -
 

Allar nánari upplýsingar veitir Björgvin Guðjónsson löggiltur fasteignasali í síma 510-3500 / 615-1020 eða bjorgvin@eignatorg.is

 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.000 af hverju skjali.
3. Lántökugjald lánastofnunar - almennt 0,0 - 1,0% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. kauptilboð

í vinnslu